မြန်မာနိုင်ငံတွင် ၁၈၇၇ ခုနှစ် မေလ ၁ ရက်နေ့မှစ၍ ရန်ကုန်-ပြည်ရထားလမ်း စတင်ဖောက်လုပ်ပြေးဆွဲခြင်းနှင့်အတူ ရထားလုပ်ငန်းပေါ်ထွန်းခဲ့ပြီး ယခုဆိုလျှင် (၁၄၇) နှစ်မြောက် ရှိခဲ့ပြီဖြစ်ပါသည်။ သမိုင်းကြောင်းရှည်လျားခဲ့သည့်ကာလအတွင်း ရထားပြေးဆွဲခြင်း လုပ်ငန်းဖြင့် ပြည်သူတို့အား ဝန်ဆောင်မှုပေးလျက်ရှိသည့် ရင့်ကျက်နေပြီဖြစ်သော ဌာနကြီးတစ်ခု ဖြစ်သည်ဟုလည်း တင်စားလိုက်ရပါသည်။

ပူပြင်းခြောက်သွေ့သော နွေရာသီကမီးလောင်လွယ်သည်။ မိုးရေထဲတွင်ပါရှိသော သဘာဝအက်စစ်ဓာတ်က မီးလောင်ခြင်းကိုအားပေးသည်။ မြောက်ပြန် လေညင်းဆောင်းဥတုက မီးလောင်မှုကိုပို၍ တွန်းအားဖြစ်စေသည်။ ထို့ကြောင့် နွေ၊ မိုး၊ ဆောင်း ချိန်ခါမရွေး၊ နေရာမရွေး လောင်တတ်သည့် မီးဘေးအန္တရာယ်ကို လူတိုင်းဂရုပြုသင့်ပါသည်။ မီးဆိုသည်မှာ သုံးတတ်လျှင် လူသားတို့အတွက် အကျိုးရှိဖြစ်ထွန်းစေသော်လည်း စည်းစနစ်တကျ မသုံးတတ်ပါက ဘေးဒုက္ခအန္တရာယ်ပေးနိုင်သော ရန်သူအသွင် ရောက်ရှိသွားခြင်းကို မီးလောင်မှုများကနေ မျက်ဝါးထင်ထင် မြင်တွေ့နေကြရပြီဖြစ်ရာ ရန်သူမျိုး ငါးပါးထဲမှာ တစ်ပါးပါသော မီးဘေးအန္တရာယ်ကို အိမ်ထောင်တစ်စုမှသည် ပြည်သူလူထုတစ်ရပ်လုံး စုပေါင်းကြိုတင်ကာကွယ်ထားသင့်ပါသည်။

ရာသီဥတုပြောင်းလဲလာခြင်း၏ အကျိုးဆက်များကြောင့် ကမ္ဘာ့နိုင်ငံအများစု၏ ရေဆိုင်ရာကဏ္ဍများတွင် တိုက်ရိုက်အကျိုးဆက် ခံစားရလျက်ရှိပြီး ယင်းအကျိုးသက်ရောက်မှုသည် သက်ရှိလူသားများ၊ ဂေဟစနစ်များအပြင် စိုက်ပျိုးရေး၊ စွမ်းအင်နှင့် စက်မှုကဏ္ဍစသည့်ကဏ္ဍအသီးသီးတို့ကိုပါ ထိခိုက် စေလျက်ရှိကြောင်း တွေ့ရှိကြရပါသည်။ ၂၀ ရာစုနှစ်လယ်ပိုင်းမှစတင်ပြီး ရာသီဥတုပြောင်းလဲမှု၏ သက်ရောက်မှုများသည် ကမ္ဘာလုံးဆိုင်ရာ ရေသံသရာလည်မှုများကို ထင်ရှားစွာ ပြောင်းလဲမှုများ ဖြစ်ပေါ်လာသည်ကိုလည်း တွေ့ရှိခဲ့ကြရပါသည်။ ဤပြောင်းလဲမှုများသည် ကမ္ဘာပေါ်ရှိ ရေအရင်းအမြစ်၊ ရေနှင့် သန့်ရှင်းရေ ရရှိနိုင်မှုများအပေါ် များစွာသက်ရောက်မှုရှိသည်ကိုလည်း တွေ့ရှိကြရပါသည်။ ရာသီဥတုပြောင်းလဲမှုများ၏ သက်ရောက်မှုကြောင့် မိုးခေါင်ခြင်း၊ မိုးသည်းထန်ခြင်း၊ အပူချိန်မြင့်မားခြင်းနှင့်အတူ ရေငွေ့ပြန်ခြင်းနှင့် ရေလိုအပ်ချက်များ မြင့်မားလာခြင်း၊ ရေခဲတောင်များ အရည်ပျော်ခြင်းနှင့် မိုးရွာသွန်းမှု ပုံစံပြောင်းလဲလာခြင်း၊ လွန်ကဲမိုးလေဝသဖြစ်စဉ်အရေအတွက် တိုးမြင့်လာခြင်းစသည်တို့ကြောင့် ရေလိုအပ်ချက်ပုံစံပြောင်းလဲလာခြင်းများ ဖြစ်ပေါ်စေသည်ကို တွေ့ရှိကြရပါသည်။

မီးလောင်မှုတစ်ခုဖြစ်ပွားသည့်အခါ တာဝန်အရှိဆုံးနှင့် သက်စွန့်ဆံဖျား ဆောင်ရွက်နေသည်မှာ ပြည်ထဲရေးဝန်ကြီးဌာနလက်အောက်ရှိ ဌာနတစ်ခုဖြစ်သည့် မီးသတ်ဦးစီးဌာန(Fire Services Department- FSD) ဖြစ်ပါသည်။ မီးသတ်ဦးစီးဌာနအနေဖြင့် ဝန်ကြီးဌာနမှ ချမှတ်ထားသည့် မူဝါဒ၊ လုပ်ငန်းလမ်းညွှန်မှုများနှင့်အညီ ဌာန၏ရည်မှန်းချက်တာဝန် (၄) ရပ်ဖြစ်သည့် မီးဘေးလုံခြုံရေး၊ သဘာဝဘေးအန္တရာယ်ကာကွယ်ရေး၊ ရှာဖွေကယ်ဆယ်ရေးနှင့် ပြည်သူ့အကျိုးပြုဆောင်ရွက်ရေးလုပ်ငန်းတို့ကို စနစ်တကျလေ့ကျင့်ဆောင်ရွက်လျက်ရှိပါသည်။ အထူးသဖြင့် မီးလောင်မှုဖြစ်ပွားပါက ဘေးအန္တရာယ်ကျရောက်မှုမှာလည်း ပိုမိုမြင့်မားသည့် အတွက် မီးငြှိမ်းသတ်ရေးနှင့် အရေးပေါ်ကယ်ဆယ်ရေးလုပ်ငန်းများကို "မြန်မြန်သိ၊ မြန်မြန်သွား၊ မြန်မြန်ငြှိမ်းသတ်" ဆောင်ပုဒ်အတိုင်း မီးသတ်တပ်ဖွဲ့ဝင်များက တာဝန်ယူဆောင်ရွက်နေသလို ပြည်သူလူထုအားလုံးကလည်း မီးသတ်ဆေးဘူးအသုံးဝင်ပုံကို သိရှိနားလည်သဘောပေါက်ရန် လိုအပ်လှပေသည်။

တနင်္ဂနွေရုံးပိတ်ရက်ဖြစ်တာကြောင့် နံနက်စောစောခြံထဲမှ သစ်ရွက်အမှိုက်များ လှဲကျင်းပြီး ပန်းပင်သီးပင်များ ရေလောင်းနေစဉ်သတင်းစာလာပို့သည့် ဆိုင်ကယ်သံကြားလိုက်သည်နှင့် ကိုယ်တိုင်ပင်ခြံဝထွက်ကာ သတင်းစာယူလိုက်ပါသည်။ အခြားနေ့တွေကတော့ သတင်းစာထည့်မည့် ပလတ်စတစ်ဘူးလေးထဲ ထည့်ခဲ့ခြင်းကြောင့် သတင်းစာဖတ်ဖို့ယူလိုက်တိုင်း သတင်းစာအလိပ်ကလေးကို ဆန့်အောင်အတော်ဖြန့်ရသည်။ ဒီနေ့တော့ သတင်းစာကို ပျော့ပျော့ပြောင်းပြောင်း ကိုင်ဖတ်ရတာကြောင့် ကိုင်ရဖတ်ရအတော်ကို အဆင်ပြေသည်။

အပြည်ပြည်ဆိုင်ရာ အလုပ်သမားနေ့သည် အလုပ်သမားများအနေဖြင့် မိမိတို့၏အခွင့်အရေးကို သိရှိကာ မိမိတို့အခွင့်အရေးအတွက် မိမိတို့ကိုယ်တိုင် တောင်းဆိုတိုက်ပွဲဝင်ရာမှ ပေါ်ပေါက်လာခြင်း ဖြစ်သည်။ အလုပ်သမားထုကြီး၏ အသက်၊ သွေး၊ ချွေးများစွာ ပေးဆပ်ခဲ့ပြီးမှ ဖြစ်ပေါ်လာခဲ့ရသည့် ကမ္ဘာ့အလုပ်သမားနေ့ (မေဒေး) သည် တန်ဖိုးထားအပ်သော သမိုင်းဝင်နေ့တစ်နေ့ဖြစ်သည်။ ကမ္ဘာ့နိုင်ငံအသီးသီးတွင် နှစ်စဉ် မေလ ၁ ရက်ကို ကမ္ဘာ့အလုပ်သမားနေ့အဖြစ် အခမ်းအနားများကျင်းပကြပြီး မိမိတို့မြန်မာနိုင်ငံတွင်လည်း ကမ္ဘာ့အလုပ်သမားနေ့ကို ၁၉၃၈ ခုနှစ် မေလ ၁ ရက်မှစတင်၍ နိုင်ငံ့စီးပွားဖွံ့ဖြိုးတိုးတက်ရေးတွင် မရှိမဖြစ်အရေးပါသည့် အဓိကစွမ်းအားစုကြီးဖြစ်သော အလုပ်သမားကြီးများအား ဂုဏ်ပြုကြသည့်အနေဖြင့် နှစ်စဉ်ကျင်းပခဲ့ကြရာ ယခု ၂၀၂၄ ခုနှစ် မေလ ၁ ရက်နေ့တွင် (၈၆) ကြိမ်မြောက်သို့ပင် ရောက်ခဲ့ပြီဖြစ်သည်။

တောင်ကိုရီးယားနိုင်ငံ၏ ကလေးမွေးဖွားနှုန်းသည် လွန်ခဲ့သောနှစ်က ၀ ဒသမ ၇၂ ပမာဏသာရှိခဲ့ပြီး ကလေးမွေးဖွားနှုန်း အနိမ့်ဆုံးအဖြစ်မှတ်တမ်းတင်ခဲ့သည်။ ကလေးမွေးဖွားနှုန်း ရှစ်နှစ်ဆက်တိုက် ကျဆင်းခဲ့ခြင်းဖြစ်ပြီး OECD နိုင်ငံများကြားတွင် ကလေးမွေးဖွားမှုနှုန်း အနိမ့်ဆုံးဖြစ်ခဲ့သည်။ အကယ်၍ ကလေးမွေးဖွားနှုန်းသည် ၀ ဒသမ ၆ နှင့် ၀ ဒသမ ၈ ကြား၌သာရှိမည်ဆိုပါကလာမည့် ရာစုဝက်အတွင်း ကိုရီးယားနိုင်ငံ၏ လူဦးရေသည် ၄၀ ရာခိုင်နှုန်းကျော် ကျဆင်းနိုင်ကြောင်း ကိုရီးယားနိုင်ငံအမျိုးသားညီလာခံဘတ်ဂျက်မူဝါဒစာရင်းများအရ သိရသည်။

အယ်လ်နီညို၏ အကျိုးဆက်အဖြစ်ကမ္ဘာကြီးတွင် မကြုံစဖူးပူနွေးလာလျက်ရှိသည်။ မြန်မာနိုင်ငံ၏ ယခုနွေရာသီကာလအပူချိန်မှာ ယခင်နှင့်မတူ ပိုမိုပူပြင်းသည့်ခံစားမှုကို ကြုံတွေ့နေရသည်။ အင်အားအသင်အတင့်ရှိသော အယ်လ်နီညိုဖြစ်စဉ်ကြောင့်လည်း တစ်နေ့တခြား ပိုမိုပူပြင်းလာသည်။

ကျေးရွာ၏ အိမ်ရှေ့မျက်နှာစာကွက်လပ်တွင် ပုံဖော်ထားသည့် ကွန်ကရစ်တုံးများကို စီရရီစုပုံထားသည်။ စိုက်ပျိုးရေး၊ မွေးမြူရေးလုပ်ငန်းဖြင့် အသက်မွေးဝမ်းကျောင်းပြုသော်လည်း အပိုဝင်ငွေရလုပ်ငန်းအဖြစ် ဆောက်လုပ်ရေးလုပ်ငန်းသုံး ကွန်ကရစ်တုံးထုတ်လုပ်ရောင်းချသည့်လုပ်ငန်းကို ရေဖြူမြို့ မင်းဒပ် ကျေးရွာနေပြည်သူများသည် တိုးချဲ့လုပ်ကိုင်လာကြသည်။

၂၀၂၃ ခုနှစ်အတွင်း နိုင်ငံတစ်ဝန်း၌ မီးလောင်မှုအကြိမ် ၁၇၀၀ နီးပါးဖြစ်ပွားခဲ့ပြီး မီးလောင်မှုကြောင့် ငွေကျပ်သန်းပေါင်း ၃၅ ဘီလီယံကျော် ဆုံးရှုံးခဲ့ကြောင်း၊ သေဆုံးသူ ၇၇ ဦးနှင့် ဒဏ်ရာရရှိသူ ၁၉၃ ဦးရှိခဲ့ကြောင်း မြန်မာနိုင်ငံ မီးသတ်တပ်ဖွဲ့ကထုတ်ပြန်ထားရှိသည်။ မီးလောင်မှုဖြစ်စဉ်အများဆုံးအနေဖြင့် ရန်ကုန်တိုင်းဒေသကြီးတွင် ၂၃၂ ကြိမ်၊ ဒုတိယအများဆုံးအနေဖြင့် ရှမ်းပြည်နယ်တွင် ၁၈၃ ကြိမ်နှင့် တတိယအများဆုံးအနေဖြင့် မန္တလေးတိုင်းဒေသကြီးတွင် ၁၇၅ ကြိမ် ဖြစ်ပွားခဲ့သည်။